હિમાચલ પ્રદેશ વિધાનસભા ચૂંટણીનો એક ઓપિનિયન પોલ સોશિયલ મીડિયા પર ઝડપથી વાયરલ થઈ રહ્યો છે, જે મુજબ અહીં કોંગ્રેસની સરકાર બની રહી છે. એબીપીના લોગો સાથેની આ 22 સેકન્ડની ક્લિપમાં ભાજપને 22થી 28 બેઠકો, કોંગ્રેસને 39થી 45 અને અન્યને 0થી 3 બેઠકો મળતી બતાવવામાં આવી છે.
આ ક્લિપ કોંગ્રેસના પ્રવક્તા અલકા લાંબા અને રાજસ્થાન યુથ કોંગ્રેસે ટ્વિટર પર શેર કરી છે. વીડિયોના કેપ્શનમાં અલકાએ લખ્યું છે કે, “બની ગઇ સરકાર આભાર હિમાચલ”.
કોંગ્રેસીઓના આ દાવાની અમારી ટીમે તપાસ કરી, અમારી તપાસમાં દાવાની વાસ્તવિકતા સાવ જુદી જ હતી.
ફેક્ટ ચેક
અમારી તપાસ શરૂ કરતાં, અમે સૌથી પહેલા વાયરલ ક્લિપની કી ફ્રેમને રિવર્સ સર્ચ કરી. આ દરમિયાન, અમને એબીપી ન્યૂઝની યુટ્યુબ ચેનલ દ્વારા 30 ઓક્ટોબર 2017ના રોજ પોસ્ટ કરવામાં આવેલા ઓપિનિયન પોલના વીડિયોની લિંક મળી. ઓરિજિનલ વીડિયો સાંભળ્યા બાદ જાણવા મળ્યું કે 4 મિનિટ 37 સેકન્ડ પછી એન્કર રોમાના ઈસાર ખાન કહી રહી છે કે, “જુઓ હિમાચલમાં કેટલી સીટો છે! જુઓ, તમે જે સૌથી મોટા આંકડાની રાહ જોઈ રહ્યા હતા, ભાજપ 39 થી 45 બેઠકો સાથે સૌથી મોટી પાર્ટી તરીકે, હિમાચલ વિધાનસભામાં 35નો જાદુઈ આંકડો પાર કરીને આરામથી સરકાર બનાવી રહી છે જ્યારે કોંગ્રેસ 22 થી 28 બેઠકો ગુમાવતી જણાય છે.”
અત્રે એ નોંધનીય છે કે વાયરલ થયેલી ક્લિપમાં કોંગ્રેસની જગ્યાએ ભાજપ અને ભાજપની જગ્યાએ કોંગ્રેસને સ્થાન આપવામાં આવ્યું છે જેથી ઓપિનિયન પોલ પ્રમાણે હિમાચલમાં કોંગ્રેસની સરકાર બની રહી હોય તેવું લાગી રહ્યું છે. શબ્દો ઉપરાંત, અમે બંને વિડિયોના ગ્રાફિક્સની પણ સરખામણી કરી જે દર્શાવે છે કે અહીં પણ કોંગ્રેસને બદલે બીજેપી અને બીજેપીને બદલે કોંગ્રેસ લખવામાં આવ્યું છે.
આ તમામ મુદ્દાઓ પરથી સ્પષ્ટ થાય છે કે કોંગ્રેસનો દાવો કે એબીપી ન્યૂઝના ઓપિનિયન પોલ અનુસાર હિમાચલમાં કોંગ્રેસની સરકાર બની રહી છે, તે ખોટો છે કારણ કે 5 વર્ષ જૂનો વીડિયો એડિટ કરવામાં આવ્યો છે.
| દાવો | એબીપી ન્યૂઝના ઓપિનિયન પોલ અનુસાર, હિમાચલમાં કોંગ્રેસની સરકાર બનશે તેવું લાગી રહ્યું છે |
| દાવો કરનાર | અલકા લાંબા, રાજસ્થાન યુથ કોંગ્રેસ અને અન્ય યુઝર્સ |
| તથ્ય | દાવો ખોટો છે |
ઓન્લી ફેક્ટ ટીમનો ધ્યેય તેના વાચકોને ગેરમાર્ગે દોરવાથી બચાવવા માટે અધિકૃત સમાચાર તથ્યો પ્રદાન કરવા અને ખોટી માહિતીને દૂર કરવાનો છે.
વાંચક મિત્રો, અમે ભારત વિરુદ્ધ ફેલાતા ખોટા સમાચારોને પર્દાફાશ કરવાનું કામ કરીએ છીએ. અમારી પાસે બીજાની માફક કોઈ પ્રકારનું કોર્પોરેટ ફંડ નથી. તમારો નજીવો સહકાર પણ અમને આગળ વધવામાં મદદરૂપ નીવડશે.
આપનો શક્ય સહકાર અમને આપો UPI ID – vgajera@ybl
જય હિંદ.
